Happy 79th Birthday Asha Parekhji

Asha Parekh (The Hit Girl)

  ဒီနေ့မှာ ၇၉နှစ်ပြည့်သွားတဲ့ Hindi Cinema ရဲ့ The Hit Girl လို့တောင်တင်စားရတဲ့ မင်းသမီး Asha Parekh ရဲ့မွေးနေ့ပဲဖြစ်ပါတယ်။ Asha Parekh ကို ဒီတိုင်းပြည်မှာတော့ လူသိနည်းပါလိမ့်မယ်။ Asha ဟာ ၁၉၆၀ပြည့်နှစ်နဲ့ ၁၉၇၀ပြည့်နှစ်အတွင်းမှာ လျှမ်းလျှမ်းတောက်ကျော်ကြားခဲ့တဲ့ စတားတစ်ယောက်ပါ။ Asha ဟာ A great dancer တစ်ယောက်ဖြစ်ပြီး အိန္ဒိယရိုးရာအကတွေကို အင်မတန်ကျွမ်းကျင်တဲ့သူဆိုလည်း မမှားပါဘူး။ 

Asha Parekh ကို ၂ရက်နေ့ အောက်တိုဘာ ၁၉၄၂ခုနှစ်မှာ မွေးဖွားခဲ့ပြီး Gujarati လူမျိုးဖြစ်ပါတယ်။ အ​မေဖြစ်သူဟာ Bohra Muslim ဖြစ်ပြီး အဖေဖြစ်သူဟာ Hindu Gujarati လူမျိုးပါ။ သူမအသက် ၈နှစ်အရွယ်မှာ Indian Classical Dance Classes တွေကို အမေဖြစ်သူကိုယ်တိုင်က စာရင်းသွင်းပြီး သင်ယူစေခဲ့ပါတယ်။ ရိုးရာအကလို့ဆိုရင် ဥပမာပြောရရင် Kathak, Folk, Odissi တို့ကို​ဆိုလိုတာပါ။ ခြေထောက်မှာ Anklet (ခြေချင်း)အကြီးကြီးမှာ ခြူးခေါင်းလောင်းတွေတပ်ထားတာကို ၀တ်ဆင်ပြီး ရာမဇာတ်တော်တို့ကိုကပြဖျော်ဖြေရတာဖြစ်ပါတယ်။ ကဲ Asha Parekh အကြောင်းပြန်သွားကြစို့။

တနေ့မှာ Asha ဟာ ပွဲတစ်ခုမှာ ကပြဖျော်ဖြေရင်း နာမည်ကြီး ၀ါရင့်ဒါရိုက်တာ Bimal Roy ဟာ သူမရဲ့ talent ကိုတွေ့ရှိသွားပြီး Hindi Cinema ထဲ၀င်ရောက်ဖို့ အကြောင်းဖန်လာပါတော့တယ်။ အဲဒီနောက်ပိုင်း Bimal Roy ရိုက်ကူးတဲ့ Maa (1952) နဲ့ Baap Beti (1954) ကားတွေမှာ ကလေးသရုပ်ဆောင် Baby Asha Parekh အနေနဲ့စတင်လုပ်ကိုင်ခဲ့ပါတယ်။ ဒါ့အပြင် တခြားရုပ်ရှင်တွေမှာလည်းပါ၀င်နေခဲ့ရလို့ ကျောင်းတောင်ဆက်မတက်ခဲ့ရပါဘူး။ ဒီလိုနဲ့ သူမ ၁၆နှစ်အရွယ်ရောက်လာတော့ မင်းသမီးလုပ်ဖို့ဆုံးဖြတ်ချက်ချလိုက်ပြီး နာမည်ကြီးဒါရိုက်တာ Vijay Bhatt ရဲ့ Goonj Uthi Shehnai (1959) ဆိုတဲ့ကားမှာ မင်းသမီးအဖြစ်ပထမဆုံးပွဲဦးထွက်ဖို့ ဖြစ်လာခဲ့ပေမယ့် သူမဟာပယ်ချခံခဲ့ရပါတယ်။

မကြာမီ Filmi Stan စတူဒီယို တည်ထောင်သူ Sashadhar Mukherjee ကထုတ်လုပ်ပြီး Nasir Hussain (Aamir Khan's uncle) က ဇာတ်ညွှန်းဆရာနဲ့ ဒါရိုက်တာအဖြစ်တာ၀န်ယူထားတဲ့ Dil Deke Dekho (1959) မှာ Shammi Kapoor နဲ့တွဲဖက်ကာ မင်းသမီးအဖြစ်ရိုက်ကူးခွင့်ရပြီး တခါတည်းနေ့ချင်းညချင်း စတားဖြစ်လာပါတော့တယ်။ အဲဒီကနေစပြီး ရုပ်ရှင်တွေတောက်လျှောက်ရိုက်ကူးခဲ့ပြီး Nasir Hussain နဲ့ collabration ဖြစ်တဲ့ရုပ်ရှင် ၆ကားစလုံး Box-Office အပိုင်းမှာ အများကြီးအောင်ပွဲခံခဲ့တာချည်းပါပဲ။ ၁၉၆၀နဲ့ ၁၉၇၀ပြည့်လုပြည့်တင်းအချိန်အတွင်းမှာ Asha အတွက်တော့ အောင်မြင်ခဲ့တဲ့ရုပ်ရှင်တွေချည်းပါပဲ။ ဒီတော့ Asha Parekh အတွက်သူ့ era သီးသန့်တည်ရှိနေခဲ့ပြီး Highest Paid actress တစ်ယောက်လို့ပြောလဲမမှားပါဘူး။

Highest Paid actress တစ်ယောက်လို့ပြောလဲမမှားပါဘူး။ Asha Parekh ရဲ့ အနုပညာခရီးလမ်းတစ်လျှောက်မှာ Joy Mukherjee, Shammi Kapoor, Dharmendra (ဒီမှာတော့ Sholay မင်းသားအနေနဲ့သိကြပါတယ်) Rajesh Khanna, Manoj Kumar တို့လို huge star တွေနဲ့တွဲဖက်လုပ်ကိုင်ခဲ့တာပါ။ နောက်ပြီး မင်းသား Joy Mukherjee နဲ့ ရုပ်ရှင်ဖြစ်တဲ့ Love In Tokyo ဟာလည်း တကယ့်နာမည်ကြီးရုပ်ရှင်ဖြစ်ပြီး အဲဒီကားထဲက ဇာတ်၀င်သီချင်းတစ်ပုဒ်ဖြစ်တဲ့ Sayonara Sayonara ဆိုတဲ့သီချင်းဟာလည်း အခုထိတိုင် ရေပန်းစားနေတုန်းဆိုလည်းမမှားပါဘူး။

Asha Parekh ရဲ့ career အစမှာ Shammi Kapoor နဲ့ပွဲဦးထွက်ခဲ့တာဖြစ်ပြီး သူမရဲ့လက်ဦးဆရာဆိုလည်းဖြစ်ပါတယ်။ သူမကို သရုပ်ဆောင်တတ်ဖို့ ဘယ်နေရာမှာ ဘယ်လိုဟန်လေးတွေထည့်ရင်အဆင်ပြေမယ် သီချင်းနဲ့ပါးစပ်နဲ့ကွက်တိကျအောင်ဘယ်လိုလှုပ်မလဲ တနည်းအားဖြင့် lip-syncing စသဖြင့်သူမကို သင်ကြားပြသပေးခဲ့တဲ့သူလည်းဖြစ်ပါတယ်။ 

လူတစ်ယောက်ရဲ့ဘ၀မှာ တက်ချိန်လည်းရှိသလို ကျချိန်လဲရှိပါတယ်။ ၁၉၇၄နောက်ပိုင်းမှာ Asha Parekh ရဲ့ career ကျချိန်ဖြစ်လာပါတော့တယ်။ အသက်အရွယ်အားဖြင့် ၃၀ဆယ်လောက်သာ ရှိသေးပေမယ့် အဲဒီခေတ်သဘောသဘာ၀အရ heroine အဖြစ် လက်မခံကြတော့ပါဘူး။ ၁၉၇၈အလွန် ၁၉၈၀ခုနှစ်မှာဆို supporting role အဖြစ် အစ်မ၊အမေ၊အဘွား role တွေအထိရောက်သွားခဲ့ပါတယ်။ အမီတာဘဂျမ်းရုပ်ရှင်တွေမှာဆိုရင်(၁၉၇၈အလွန်) အစ်မနေရာကနေပါ၀င်လေ့ရှိပါတယ်။ နောက်တော့ ၁၉၉၀ခုနှစ်လောက်မှာ သရုပ်ဆောင်ဘ၀ကနေ အနားယူပြီး ရုပ်သံစီးရီးဒါရိုက်တာဖြစ်လာခဲ့ပါတယ်။ ထုတ်လုပ်ရေးကုမ္ပဏီတစ်ခုကိုတည်ထောင်ပြီး စီးရီးတွေထုတ်ခဲ့ပါသေးတယ်။

Asha ဟာ Central Board of Film Certification မှာပထမဆုံး အမျိုးသမီးဥက္ကဌဖြစ်လာခဲ့ပါတယ်။ Asha ဟာ ၁၉၇၁ခုနှစ်မှာ Filmfare ဆုကိုဆွန်ခူးခဲ့ပြီး ၂၀၀၂မှာ Filmfare Lifetime Achievement ဆုကိုပါရရှိထားပြီးဖြစ်ပါတယ်။ ဒါ့အပြင် အခြားအခြားဆုတွေကိုပါဆွတ်ခူးရရှိထားပါတယ်။

 Asha Parekh ရဲ့ဘ၀မှာ တစ်ခါမှ အိမ်ထောင်မပြုရသေးပေမယ့် ဒါရိုက်တာ Nasir Hussian နဲ့ မေတ္တာရှိဖူးခဲ့ပြီး လက်ထပ်တဲ့အထိမဖြစ်ခဲ့ပါဘူး။ အကြောင်းကတော့ Nasir Hussain ဟာ အိမ်ထောင်ရှိတဲ့လူဖြစ်နေလို့ပါပဲ။ Asha ရဲ့ အင်တာဗျုးတစ်ခုမှာ ' ပြောရရင်တော့ ကျွန်၀န်ခံပါတယ်။ ကျွန်မဘ၀မှာ မေတ္တာရှိခဲ့ဖူးတာက ဒါရိုက်တာ Nasir Hussain ဖြစ်ပေမယ့် ကျွန်မလက်ထပ်ဖို့မရည်ရွယ်ခဲ့ပါဘူး။ သူတစ်ပါးအိမ်ထောင်ရေး ပျက်ပြားသွားမှာကို မလိုလားပါဘူး' လို့ဖြေထားပါတယ်။ 

Asha အတွက် ' The Hit Girl ' အမည်ရှိစာအုပ်တစ်အုပ်ထွက်ထားပြီး author ကတော့ Khalid Mohammed ဆိုတဲ့ Journalist တစ်ယောက်ဖြစ်ပါတယ်။ ဒါ့အပြင် သူမကိုဂုဏ်ပြုသောအားဖြင့် Asha Parekh Hospital ဆိုပြီးရှိပါတယ်။ သူမဟာ Dance Academy ကိုလည်းဦးစီးနေပြီး Mumbai မြို့မှာ အခုထိသက်ရှိထင်ရှား living legend တစ်ယောက်အဖြစ် တည်ရှိနေတုန်းပါပဲ။